skip to main |
skip to sidebar
من تأليف ..
Qatarat Nada
في
1:35 ص
ازيكم يا احبائي في الله
النهاردة مش اي يوم عادى
النهادرة يوم غير عادى
قالوا فيه كل سنة والامة الاسلامية بخير
وقالوا لسة بس يومين ع الهلال المنور
فكل سنة وانتم بألف خير يا حبايبي
كل مدونة اتكلمت عن المسلسلات
واسأل مجرب من رمضان اللى فات
وكل المدونين ما اتكلموش غير ع الموضوع دة
وانا بصراحة ماكنتش عارفة اتكلم عن اى مضمون
ولا عارفة اصلا ايه هو مضمون الموضوع
بس حبيت اهنيكم بشهر رمضان
وعايزة اقول حاجة للناس اللى بتتابع مسسلسلات رمضان
مش حقولك ما تتفرجش عليها
بس استنى لغاية بس ما الشهر الفضيل دة يخلص
وحتلاقيها مليون مرة على مليون قناة
كل سنة كنت من الناس اللى بتتابع الحاجات دى
بس المرة دى اخدت عهد على نفسي
" رمضان السنة دى .. حيغير حياتي "
رمضان مش بييجي غير مرة كل سنة
والمسلسلات دى تخلص من القناة دى تيجي على القناة دى
قضوا الشهر دة صوم وعبادة الشهر دة بس
والله حتحسوا بفرق وراحة بااال غريبة جدااا وغير عادية
والله ما عارفة اتكلم عن ايه ولا ايه
لكن بس قولي
افرض دة اخر رمضان حيعدي عليك
والله والله والله انا خايفة اموت قبل ما رمضان يدخل عليا
طيب ما بالك يدخل عليك ويعدي كدة بالساهل
حتحس بحسرة جامدة اووى
استغنى عن المسلسل بس لربنا
شوف ربنا اداك عمر مديد ما شاء الله
مش عايز تديله من العمر دة شهر واحد ؟؟
يا أنانيتك يا اخى/تي
فرصة اعتبروها فرصة اخيرة ويمكن مش تتكرر
حتستغل الفرصة دى بالفرجة ع التفزيون
والناس كلها استعدت للمشاهدة وظبطت عينيها كويس على تردد التليفزيون
والقنوات تتسابق وتقول لبعضها انا حقدم مسلسلات اكتر
وقال كدة بيستعدوا لرمضان
حرام عليكم والله
كل دة حرام
فكر في نفسك
ازاى حتصلي وانت بتفكر ياترى ايه اللى حيحصل بكره في الحلقة الجاية ؟
يا شيخ انت بتفكر في ايه بس
اختم القراّن
اقم الصلاة
صوم
قم الليل
حتخللي حياتك كلها رزق وسعادة
وكل سنة وانتم احبائي في الله وكويسين وبخير
^^^^^^^
رابع سنة تمر عليا من غيرك يا غاليتي
رحمة الله عليكي يا اماه
ربنا يغفر لكل المؤمنين والمؤمنات المسلمين والمسلمات الاحياء منهم والاموات
امين ياارب
تقبل الله منا ومنكم الاعمال الصالحة
من تأليف ..
Qatarat Nada
في
2:46 ص
النجوم السوداء
هي عيون اقتحمتها قلوب الاعداء التي لا مفر منها
همسات رقيقة لا يؤدي طريقها الى اي بلاء
ورقات متطايرة تلمحها فقط قلوب العشاق
اذا نظرت اليها وتمعنت النظر
ترى عيون الاحباء
اذا رأيت بها بريق فتعلم كم بها من رخاء
تعلو عيون البشر كافة
من ينظر اليها يكون شاردا
ومن تبعد نظرها عنها تكون بلهاء
كم يملؤها الحب والجنون
وكم ينتظرها الجميع للقاء
وحتى اذا فقدت وعيك
ترى هذه العيون الحسناء
يذهل الجميع اذا رأوها
وكأنها هى الجميلة الشقراء
صافية كالسماء
قلبها ابيض وكأنه هو نفسه النقاء
...
من تأليف ..
Qatarat Nada
في
1:23 ص

بسم الله الرحمن الرحيم
بجد اشتقت لكم
جدا
بس على فكرة استفدت جدا في الفترة دى
حسيت بتغير شديد
حسيت انى شبه الفراشة دى
وماصدقت اطير
فعلا اتغيرت
وكنت محتاجة للتغيير دة بجد
كنت من اى كلمة تجرحنى اتضايق جداااا
حتى ولو كانت مش مقصودة
بس فعلا فعلا حاسة بفرق
في عز الظلمة وفي عز الزحمة كنت بعيط
كنت حاسة انى محتاجة الوحدة
في الفترة دى لاقيت حاجات غريبة غيرتني
واول مثال
انا عندى درج صغير كدة على قدي
محتفظه فيه بحاجات وخصوصيات خالتى رحمة الله عليها
اكتر من سنتين وهى موجودة
حطاها يوم الاربعاء الموافق13/9/2006
لقيت ورقة العزاء بتاعها
او الورقة اللى بينشورها علشان الدعاء يعني
وسألت نفسي
اهه مثال للوحدة
ولما دخل باب الوحدة
مش عارف يخرج منها دلوقتي
علشان كدة حسيت انه كفاية
حواليا ناس بتحبني كتير
ليه اسيبهم واتخلى عنهم واشتري نفسي بس
ما اشتريهم كلهم بثمن غالى
وابيع نفسي ليهم هما وبس
وفعلا اتعلمت
ان
" لا يأس مع الحياة ، ولا حياة مع اليأس "
وبجد اشتقت لكم جدا
وكنت اخدة وعد على نفسي انى مش افوت اى بوست لاى مدونة انا متابعاها
بس قطعت الوعد شكلا
لكن تابعتكم واحد وواحدة
صحيح اللى نزل بوستين او تلاتة
قريت الاول بس
بس يلا
تتعوض ان شاء الله
وعلى فكرة بحاول ارجع بقالى خمس ايام
بس الجهاز بايظ ولسة مصلحاه النهاردة
وقلت كفاية بقى
واقسم بالله
قسما بالله العليّ العظيم
انى بجد بحبكم اووى