قتلوها يا ناس

السلام عليكم ورحمة الله وبركاته
اقسم بالله انى عرفت موضوع الفقيدة رحمة الله عليها / مروة الشربيني
من المدونين ومش من اى مكان تانى ولا حتى التليفزيون
لانى بجد حاااليا في امس الحاجة للدعاء
ارجوكم الدعاء لوالدي بالشفاء
بكره ان شاء الله سيتم حجزه بالمشفى
ويعلم ربنا وحده الحالة اللى بعانى منها نفسيا
ارجوووووكم انا في امس الحاجة للدعاء
شفاك الله وعفاك يا والدي الحبيب
عرفنا من المدونات المصاحبة لمدونة ( قطرات ندى )
فقدان شهيدة مسلمة محجبة
الدم جوانا كلنا بيغلي
وعروقنا حتنط من جسمنا
طالما كل واحد بيقول الحق في الدنيا دى بيموت ويتقتل ويستشهد
يبقى موتة بكرامتنا بدل ما احنا قاعدين مستنين اجلنا واحنا ولا احنا هنا
مستنيين ايه حرام بقى

حسوا فينا ولو مرة
اتقتلت قدام اولادها يا ناس
اكتر من كدة عايزين ايه ؟؟!
اكتر من كدة بجاحة ايه
ارحمونا وارحموا نفسكم بقى
كفاية بقى ذل واهانة
ربنا ينتقم منكم ويخلصنا منكم في اقرب وقت
حرام عليكم يا ناس كفاااية بقى اصحوا بقى
ـــــــــــــــــــــــــــــــــــــــــــــــــــــــــ
عجزت عن التعبير عن حالتى لما سمعت وعرفت الخبر دة وبجد مش قادرة اكمل لان مافيش كلام اكتبه اصلا غير بس ..
حسبنا الله ونعم الوكيل