♥ في مثل هذا اليوم ♥

15 فبراير 2010



في مثل هذا اليوم
اهديك هدية لعلها تنال اعجابك
لكن لا اعتقد ذلك
لا توجد على ارض هذه الدنيا هدية واحدة تكفيك
حبيبي
سبق وان وعدتك بانه لن يفرقنا شيء
الى الاّن افي بوعودي وسأظل حتى يفرقنا الموت
!!
ولكن اتعلم ان الموت حتى لن يفرقنا
سأظل كالطيف ارفرف حولك
لن أجعلك ابدا وحيدا
حتى اذا فقدت الكون كله
سأظل انا عالمك
وستظل انت قمري
الذي اخاف يوما من ان اطير اليه
لأننى اعلم اننى لن اتركه ابدا
شبهتك بالبحر يا عمرى
لذا اعدك اننى بيوم من الايام سألقي بنفسي اليك
أعلم سأغرق ولكن سينقذني حبي
ففي مثل هذا اليوم
ولد في قلبي قلبا جديدا
اصبح ينبض نبضتان
احداهما باسمك والاخرى باسمي
وسيظل ينبض
ولن يموت
..
والاّن انالت هديتي اعجابك
ام اننى لم اجد ما يصف لك بالقدر الكافٍ !!
اذا لم تكفيك كلماتى الغارقة في بحر حبك وحنانك
استكفيك كلمة
♥♥ احبك ♥♥

19 جزاهم الله خيرا علقوا:

hend anwar يقول...

يا رب ايامنا كلها تكون حب وسعادة

أحمد الصعيدي يقول...

طبعا لازم تنال الاعجاب وان لم ينبض قلبه فاعلمي تماما أنه ليس رومانسي بالقدر الذي يكفيكي

ربنا يسعدك

ليس فقيرا من يحب يقول...

يا خواتى على الرقه والجمال

ايه ده يا ندى يارقيقه زى الندى

ايه كميه الرومانسيه والرقه دى كلها

يارب يسعد قلبك وايامك كلها

تكون سعاده وهنا وراحه بال

تسلم ايديكى على البوست الرقيق ده

وحشااااااااااااااااااااااانى

اموووووووووووووووووووووواه

mohamed ghalia يقول...

ربنا يسعدك دايما

غير معرف يقول...

راااااااااااااائعة
ربنا يحميكى و يحمى قلبك من كل سوء
يارب يكون يستاهل

بنوتة حائرة

بيطرية ومش بايدى يقول...

ندى حبيبتى
وحشانى مووووووووووووووووووووووووووووووووووووووووووووووووووووووووووووووت
ايه يابنتى فينك
ايه اللى واخدك مننا
ولا انتى زى القمر بيطلع يوم واحد فى الشهر وخلاص على كده

بيطرية ومش بايدى يقول...

بصى انا هاقول رايى بصراحة ولو حابة تنشريه انشريه
انا متاكدة ان البوست ده اهداء لحبيبك المستقبلى مش كده
مش الحالى يعنى لانى متاكدة والله اعلم ان الجو فاضى دلوقتى ومفيش حاجة شغلاه غير المذاكرة وطاعة ربنا
لان قمر زيك مستحيل تفكر فى حاجة تغضب ربنا
فانا باحيييك جدا على كلماتك الرقيقة المرهفة بكل الاحاسيس
واتمنى لك الخير فى كل لحظة لانك تستاهليه

ملحوظة على جنب
هو انا ليه رخمت عليكى وقولتلك كلام يمكن تستغلسيه وتتخنقى منى وماتجيش تزورينى تانى
بس اصل انا لاقيت واحدة تقريبا فى سنك كده وكانت بتكتب حاجات رومانسية برده وطلعت فعلا بتحب وحاوت اتكلم معاها ومعاه على الرغم من انهم هم الاتنين عيال اصلا بس بقى تقولى ايه
فانا عشان حاسة ان قطرات نداكى غالية اوى ومليانى خير قوى فمش عايزة القطرات دى تتلوث ياريت تكونى فهمانى ياقمر

يااااااااااااارب دايما تكونى بالف خير
وسلامة وصحة وسعادة وحب

Qatarat Nada يقول...

sun of free dom ..
امين يااارب
ميرسي يا قمر شكرا لمرورك
نورتى

Qatarat Nada يقول...

احمد الصعيدي ..
ربنا يخليك والله رفعت من معنوياتي
^_^
تسلم لمرورك
منورنى دايما

Qatarat Nada يقول...

ليس فقيرا من يحب ..
ههههههههههههههههههه
لا حاخد مقلب في نفسي ( وش بيطلع لسانه )
ربنا يخليكي يا رونى يااااااارب
وانتى كمان وحشانى والله اووووى
امووووووووووووووووووووووووووواه

Qatarat Nada يقول...

محمد غالية ..
ربنا يكرمك يا اخى ياااارب
شكرا لمرورك

Qatarat Nada يقول...

بنوتة حائرة ..
منورة يا جميلة
امين يااااارب
ربنا يخليكي ياموءة يارب
تسلمي يا قمر لمرورك
نورتى

Qatarat Nada يقول...

بيطرية ومش بايدي ..
اهلا يا دوك
وانتى والله ليكي وحشة
الثانوية العامة بعيد عنك
بس والله بدحل دايما ومش مهتمة :)
هههههههههههههههههه
اه الايام الجاية حقلب على طور المحاق
هههههههههههههه
ميرسي يا جميل لمرورك
..
خلينا ندخل ع التعليق التانى
احم .. احم
طبعا يا قمر حبيبي المستقبلي
ماهو حبيبي المستقبلي زى الطيف اللى لسة بيدور حواليا لغاية ما يوصل
بصي
انا مش بحب اكتب هنا خالص اي حاجة رومانسية كعادتى لان فعلا في ناس كتير بتفهم غلط
بس انا قلت اهه بقالى كتير ما كتبتش
قلت اكتبه وامرى لله
ومافيش رخامة خالص على فكرة
ربنا يخليكي ليا يا قمر
ونصيحة وتذكرة في نفس الوقت غالية جدا
تسلمي يا قمر
بس انا مشكلتى انى مش بعرف اكتب غير حزين ورومانتيك
استحمليني بقى "_"
منورة يا قمر
اسعدنى مرورك جدااا

مجهوله يقول...

ميله كلاماتك يا ندى
ربنا يسعد ايامك

الغاردينيا يقول...

كلام جميل

يااجمل قطرة ندى

المجاهد الصغير يقول...

السلام عليكم
كل سنه وانتم طيبين
ندعوكم لمشاركه مسابقه المولد النبوى
فى مدنونتى المتواضعه
وفى جوائزززززززز وهدايا ...
فى انتظاركم
وفقكم الله

Qatarat Nada يقول...

مجهولة ..
انتى اجمل حبيبتي نورتي المدونة وصاحبتها

Qatarat Nada يقول...

الغاردينيا ...
اخجلتم تواضعنا :)
نورتي يا قمرايتي
وقريب جدااااااا تترد الزيارة ^^

Qatarat Nada يقول...

المجاهد الصغير ..
وحضرتك طيب يا فندم
الكومنت متاخر معلش بئا انقطعنا عن التدوين شوية :D
في انتظار المسابقات القادمة
أعانكم الله :)