جزاكم الله كل خير يا محترمين !!

11 أبريل 2010

سلام عليكم
ازيكم يا شباب
يارب دايما تكونوا بخير يارب
دلوقتي كنت بس عايزة اقول كلمتين
انا برحب بكل زائر و زائرة يدخلوا مدونتى
وبقولهم نورتوها واتمنى اكون عند حسن ظنكم
بس برده اللى يدخل بيتهيألى يدخل بأدبه
ويراعي ربنا في كلامه قبل ما يشتم فيا وفي مدونتى
والله لو مش عجبتك المدونة اخرج وسيبها لكن انك تقول الفاظ زى كدة معلش انا مش حسمح
ومهما عملتوا طبعا انا مش حتكلم لان لو تدويناتى مش عجباكم كان ممكن
بكل صراحة تقولوا وجهة نظركم بحيث اخللى بالي منها بعد كدة
علشان تساعدونى انى اتطور واعرف اكتب كويس
وبيتهيألى اختلاف الرأي لا يفسد للود قضية
لكن انك تدخل تسيب لى رسالة في الماسج بوكس كلها كلام وحش وشتايم فيا وحاجات انا ما اقبلهاش
فانا بعتذر بصراحة لو كنت ضايقتكم بكتاباتي
بس كان ممكن تقولولى الكلمتين دول بالراحة وبالذوق والادب والاخلاق !!
مش بالطريقة دى
والحمدلله انا مقتنعة بمدونتى جدا وبحبها جدا وفي ناس كتير الحمدلله متابعاها وبتحبها
متشكرة جدا يا ميدو ويا حمادة ويا دودى ويا ساسو و يا روان ويا هانى
متشكرة جدا على تعليقاتكم المؤدبة
وجزاكم الله كل خير

17 جزاهم الله خيرا علقوا:

عبيدة الرحمن يقول...

لالالالالا
ميصحش ابدا كده
قوليلى بس مين اللى اتجرء وعمل فى جنتى كده
وانا ابهدلهولك ايه ده انتى وراكى .....
ضهر الكرسى هههههه

لا بجد عيب ياجماعه
(ادع الى سبيل ربك بالحكمه والموعظة الحسنه)
(ولو كنت فظا غليظ القلب لنفضوا من حولك)
اعتقد اننا هنقبل النصيحه لما تبقى بأسلوب محترم

Qatarat Nada يقول...

عبيدة الرحمن اللى انا اعرفها من بورسعيد ؟؟؟؟؟
من الواضح في البروفايل اه
لا لا مش معقول
تقوى وحشانى اووووووى رغم انك ندلة اووووووووووووووووووووووووى
هههههههههههههههههههههههههههههه
يا بكاااااااشة
اه لو تشوفي الردود
اه ممكن تشوفيهم كمان حتلاقيهم بره في الشات بوكس
بجد ربنا يهديهم
منوراااااااااااانى يا قمر
مش اوى يلا بس لازم اجامل !!
( وش بيطلع لسانه )
بحبك اوووى اوى اوى اوى اوى اوى
سلامى لخديجة

بلال عادل رجب. يقول...

طبعا فيه ناس
مش عندهم دم صحيح وقلالات ادب
عندك حق
كان الحكايه دى حصلت عندى بس مش شتايم فيا ولكن
شتايم فى الرسول وفى ربنا وفى كل الانبياء
واتشرفت بالدخول على مدونتك

Qatarat Nada يقول...

قلب فارس ..
لا لو كدة انا الحمدلله انا راضية طالما بيشتمونى انا مش الرسول ولا الانبياء
الحمدلله
ربنا يهديهم بجد
نفسي بس اعرف ليه قالوا كدة
منور مدونتى اخى الكريم وان شاء الله متابعاك
شكرا لمرورك

لاسع افندى يقول...

القافله تسير والكلاب تعوى
وكل واحد بيعلق بيبين شخصيته وبيئته لو انسان محترم استحاله يكتب كلام مش كويس

ربنا يوفقك

تحياتى

Qatarat Nada يقول...

لاسع افندي ..
فعلا والله
ربنا يهدي الجميع
ربنا يكرمك يا لاسع
منورنى

mohamed ghalia يقول...

انا شوفت الكومنتات
واضح انى ده حد عرفك وبيعمل مقلب هزار
على العموم سواء جد او هزار القافلة تسير

Qatarat Nada يقول...

محمد غالية ..
والله ما اعرف بصراحة اذا كان حد من اصحابي ولا لا
بس ماحدش يعرف مدونتى غير واحدة بس من اصحابي وبتدخلها وعجباها جدا
ودى صاحبتي اووووى استحالة تكون هي
مش عارفة والله
عموما ربنا يهدي

عبيدة الرحمن يقول...

ايوه انا عبيدة الرحمن من بورسعيد
اكتبلك العنوان ورقم الموبيل
^_^
ههههههههههه
ربنا يسترك دنيا واخرك
كده سيحتيلى ؟
لازم تقولى تقوى ؟؟

والله انتى وحشانى اكتر

Qatarat Nada يقول...

هههههههههههههههههههههههههههه
ايه يعني بلاش اقول انك تقوى
مش بدل ما اقول اسمك الحقيقي ( وش بيطلع لسانه )
وانتى وحشانى جداااا
كلمتك مرة ماحدش رد
منورة

طهر فؤادك يقول...

السلام عليكم ورحمة الله وبركاتة

معلش واحتسبى الاجر ان شاء الله وان شاء الله يكون فى ميزان حسناتك بأذن الله تعالى ....

وفينك من زمان وان شاء الله تكونى بخير

Malooka Yousef يقول...

اولا مدونتك جميلة وانا مش بحب المجاملات بجد بس مش شايفه اى داعى لاى حد يشتم مدونتك او فيكى لان مفيهاش اى حاجه تنتقد او حتى لو فىالناس تقول رايها بس بادب وربنا يوفقك

hend anwar يقول...

لازم تعرفى ان الكويس بيتهاجم وطول مافى ناس مش عاجبهم طريقتك الكويسة فى التدوين يبقى انتى ماشية فى الطريق الصح
اثبتى واوعى تتزعزى
تقبلى مرورى

Qatarat Nada يقول...

طهر فؤادك ..
وعليكم السلام ورحمة الله وبركاته
يارب يكون في ميزان حسناتي
الحمدلله تمام شكرا لسؤالك بس الدروس بقى والثانوية وعمايلها
بس رجعت اهه وعلى قلبكم ^_^
نورتني

Qatarat Nada يقول...

ملوكة ..
ربنا يخليكي يا قمر دة بس من زوقك
فعلا وانا حقبل النقد بصدر رحب جداا
بس يلا حسبي الله ونعم الوكيل
منورة يا قمر المدونة ولاول مرة وان شاء الله مش الاخيرة
وان شاء الله تترد الزيارة

Qatarat Nada يقول...

شمس الحرية ..
ميرسي يا قمر
فعلا والله وبعدين انا مش شايفة انى عملت اى حاجة غلط تبين لهم انى انسانة " مجنونة " بس يلا
القافلة تسير والكلاب تعوي
نورتى يا قمر مدونتى
شكرا لمرورك

sasa يقول...

لا
اله
الا
الله
طيب
وليه
قله
الادب
دى
ماللى
مش
عاجبه
حاجه
مايخرج
ويسيب
المدونه
او
ببساطه
يقول
باحترام
وخلااااص