سلام عليكم
ازيكم ؟؟؟
انا داخلة بس اقولكم انى في حالة انهيار تام ومالقيتش حد افضفض معاه
او يمكن انا مادورتش
احساس صعب اوى لما تفقد ثقتك في حد وفجاة تفقده هو شخصيا
واحساس اصعب لما تحس انك وحيد ولو ان حواليك مليون واحد بيحبوك
بس انت مش عايز من المليون دول اى حد ولو عوزت حد ماتلاقيهوش
حاسة انى مكتومة ولو طلعت اللى جوايا حموت ولو كتمت اكتر حتخنق
كل يوم حالى في النازل .. بضحك قدام العالم كله وبهزر بس من جوايا بتقطع وبموت في اليوم 100 مرة
لا بذاكر ولا بروح دروس ولا حتى مهتمية برمضان
قصرت فيه جدا وضغط الظروف اللى عندى خلانى كمان اتعب اكتر
ادعولى يا جماعة بجد محتاجة لدعائكم جدااااا
تحديث ...
فقدت اختى طفلها الاول بمشيئة الرحمن
اللهم لا اعتراض
ادعولها
10 جزاهم الله خيرا علقوا:
ياحبيبتى
ربنا يصبرها ويجعله من الولدان المخلدون فى الجنة
البقاء لله وحده
ربنا يثبتها ويثبتكم
المؤمن مبتلى ومصاب
وبعدين نودى عمرى ماعرفت عنها الاستسلام
هنفرفر بقى على الاخر كده
حاسة بيكى والله جربت الاحساس ده كتييير
بس اصبرى والله والله والله بعد كل كرب وكرب جامد اوووى شوية فرررررررح مايتعوضوش
اصبرى وماصبرك الا بالله
يارب ترجعلينا بالف سلامة ويعينك ويقويك فى المذاكرة
وبالنوسبة لرمضان
فكلنا كده طب انتى وعندك اسبابك
وامال بقى الباقيين اللى الصلاة بتصلى فى الجامع والاذان خارم ودنهم وهما فى الشارع برده بيعاكسوا البنات والبنات برده سايبين الصلاة ولا حياة لمن تنادى
ربنا يهديهم ياارب
وفوقى كده يانودى وروقى
محدش بياكلها بالساهل
بس اهم حاجة انك هتاكليها فى الاخر
دمتى فى حفظ الله ورعايته وذمته
مكنتش احب اول ما ادخل عندك الاقيكي في الحالة دي
ربنا يارب يصبرك ويفرحك انتي واختك
قدر الله ومشاء فعل
ربنا يصبرها يا رب
ويعدي الفترة دي على خير
ويزيح عنك همومك يا رب
كتير فعلا بحس الاحساس دا بس فترة وهتعدي
تحياتي
وكل سنة وانت طيبة
معلش ..كله بيعدي
تعرفي معروف ان اكتر حد بيضحك ده بيكون شايل هموم متلتلة
مش صح تسكتي
اتكلمي بشويش وفضي كوباية خنقتك
وهتبقي كويسة انا متأكده ان شاء الله
ربنا يفك كربك يا حبيبتي
ويصبركوا يارب
شكرا لمروركم يا بنات نورتوني
بيطرية ومش بايدي ...
امييين يارب
تسلمي يا قمرة نورتى
just waiting ..
ولا يهمك يا قمر الحمدلله على كل حال
منورانى وان شاء الله متابعاكي
كلام من قلبي ..
امين ياااارب ربنا يسمع منك يا قمر
وانتى طيبة يا حبيبة قلبي تسلمي
طالبة مقهورة .. درجة اولى ..
هههههههههههههههههه
اتكلمت كتيييير
الحمدلله على كل حال
نورتيني .. ادعيلي كتيير
نورتى
ندي
حبييه قلبيييييييييي
انالسه شايفه البوست حالات
انا عارفه اني مقصره معاكي ياحبي
بس غصب عني والله
وحشاني وحشاااني
البقاء لله يا حبيتي
في ابن اختك حته منهاسبقتها للجنه
طمنيني عليكي دلوقتي
وعلي مذاكرتك ودروسك
جهزتي المساطر والاقلام والكراريس:D
المدرسه بكره
تعالى انحكي و انفظفظ على قلوبنافي مقهى امير*amiralcafe.blogspot.com* رؤوف من تونس
إرسال تعليق