تعملت فنون الحب بكل أنواع الجنون
تعلمت حين أقول نعم فقط من أجل العيون
الحب حرب وكل من قادها ياعمرى مجنون
لاتسأل من أكون أنا من كتب دستور الحب وأنا من وضع له قانون
اتاخرت جدا في الاجابة عن التاج وللعلم كمان الاجابة مش بالتفصيل
او يعني مش كاتبة كل حاجة عن السؤال
كاتبة بالمختصر المفيد وبس
بس يلا ربنا يعلم مشغولة جدااااااااا رغم انى ما بذاكرش اصلا غير مواد الدروس وربنا يستر السنة دى ادعولى بالله عليكم
اسمك؟ ندى
سنك؟ 15 وشهر خمسة اكمل 16 ( حطلع بطاقة ) ^_^
اسم مدونتك؟ قطرات ندى حكايات وفاء وعندى واحدة تالتة بس مش كل الناس تعرفها
مجال دراستك؟ حاليا معايا اعدادية ، وانا في اولى ثانوي :)
هل فكرت فى اغلاق مدونتك؟والسبب؟ اه فكرت .. تقدر تقول مدونتي بتعبر عن نفسي فلما بكون متضايقة بقفلها لغاية ما ارجع لطبيعتي وارجع لها.. بس
ايه رد فعلك لو حد قل ادبه عليك في المدونة؟ والله هي حتبقى صعبة بس انا ممكن اتعصب وازعل بس في نفس الوقت انا من النوع الطيب جدا لدرجة الهبل بس طبعا حرد بأدب بس ادب يحرج شوية
أسوا مدونه دخلتها؟ ما اعتقدش انه في مدونة سيئة
هيحصل ايه لاميلك بعد ما تموت؟ حيموت :(
اديت الباس ورد لحد قبل كدة؟ اه اختي عارفاه
السفر بالنسبه ليك؟ يانهار ابيض متعتي الوحيدة
المود بتاعك اية؟ دايما حزين بحب المود الحزين انا اوى حتى برده معظم كتاباتي حزينة او بتحكي عن حاجة مؤلمة
بتعمل اية فى وقت فراغك؟ بقعد هنا في مدونتي
الاكلات المفضلة؟ المكرونة طبعا
الصفات التي اخدتها عن والدك؟ العصبية واحيانا او كتير العناد
الصفات التي اخدتها عن والدتك؟ العصبية برده
اكتر 6 حاجات بتحبهم؟ مدونتي السفر اصحابي النت طبعا الاطفال يااااااه عشق حياتي الخروج لواحدى او مع صاحبتي
اكتر 6 حاجات بتكرهم؟ 1)الكذب 2)الخيانة 3)الخداع 4)ان حد يتكلم عليا مش كويس وهو عارف انى كويسة 5)الاحراج 6)نفسي :)
لماذا دخلت عالم التدوين من الاساس؟ ما كانش لا بيا ولا عليا لقيت واحدة الله يمسيها بالخير زقتني ودخلت عليهوبعد كدة قعدت اكتب كلام اهبل لغاية ما بصيت لقيت ان في تطور وبقيت بكتب خواطر وكلام اهبل برده :)
اهميه التعليقات بالنسبه لك؟ بفرح بيها اوووى بتحسسني اذا كنت فعلا كتبت حاجة حلوة او لا وربنا يستر وماتكونش كل التعليقات مجاملة تبقى كارثة
احلي بوست كتبته مع ذكر السبب؟ كتيييييييير النجوم السوداء عشاق ونقول رفاق معجزة الليل تاني خاطرة ألفتها ويبقى انا وانت والحب يا قمر
افضل مدونه قريتها؟ كتير كل اللي في الريدرعندي بحبهم جدااا وبعشق مدوناتهم رغم الانقطاع عن المتابعة
اهميه الانترنت بالنسبالك؟ هو كل حياتي وبيه عرفتكم
اهداء التاج؟ كل اللى في القايمة ومحدش يطنش واللى حيطنش يا ويله
السلام عليكم ورحمة الله وبركاته اهداء الى اخى في الله عمور ربنا يعلم كويس اووووى قد ايه بجد حزينة جدااا بس اللي حصل لحضرتك وما اعتقدش انها اول مرة تحصل معاك واعتقد انك كمان قدها وقدود اووووووووى سيبك منهم وكفاية انك فخور بنفسك وصدقني بينتظرك مستقبل باهر ما شاء الله كان نفسي تضامنى معاك ما يباقش بمجرد كلام وبس لا بفعل وفعل كبير كمان وياريت والله بايدي حاجة اقدمها لحضرتك لكن مافيش في ايدي غير الدعاء ربنا يعينك يارب ويوفقك ويجعل كل دة في ميزان حسناتك ويصبرك يااارب امين اتعودنا على كدة يا عمور احنا من صغرنا واحنا متعودين على ظلم وقهر وحاجات تانية كتير بدون توضيح استفدنا ايه ؟ ما استفدناش حااجة خالص بس كفاية عليك انك عندك ناس كتير بيحترموك وبيقدروك وعارفين كويس اوى مين هو عمور وكفاية كمان انك راضي ومقتنع باللى بتعمله ايا كانت وجهات نظر الاخرين علشان كدة بعلن تضامنى معاك وانى جنبك بسلاح قوي جدااا وهو الدعاء قسما بالله لن انساك من صالح دعائي اكرر قسمي بالله انى لن انساك بصالح دعائي وربنا يصبرك ويعينك ياارب
لكل اللى عايز يعرف القصة واللى مش عايز يعرف برده دى مش قصة واحد بس دى قصة بلد بأكملها اللى حصل مع اخونا ممكن يحصل معايا ومعاك ودة يدل على استهزاء الحكومة بالرأي الشخصي والحرية وان الحرية مش موجودة غير مع الكبار بس يعني وفروا الحرية للكبار فقط !! يعني حتى الحرية بقت بتمن دلوقتي قولولنا نعمل ايه ؟؟ حسبي الله ونعم الوكيل لمعرفة القصة كاملة رجاء ادخلوا الى الرابط التالي .. لسة عايش وخليك زى ما انت يا عمور خليك ( لسة عايش ! )
عشاق ونقول رفاق لو كنا يوم بعدنا بنرجع تانى نشتاق قلوب خفاقة وعيون مشتاقة امتى اللقاء قريب ولا بعيد محتمل ولا اكيد ولو مش النهاردة حستني نهار شمس جديد تلف الدنيا بينا وتدور ومهما ييجي الهوا مش بيطفي للشمع نور
بكيت وبكى القمر وتقاسمنا ليل السهر بحزن شديد ودموع كالمطر تذكرنا احلام تكاد تكون خطر وايام للطفولة والصغر كنا قلوب وشاءت الاقدار ان تنفطر ومرت الايام وصرنا كذكرى او نسخ من الصور والحب يجري في قلوبنا والامل يكاد يتطاير ونحن نقفثابتون دون اى اهتمام او حتىنظر كأننا قلوب كالحجر بعدما كنا كأوراق الشجر يا قمر انتهى الحديث .. وزال المطر ويبقى انا وانت والحب يا قمر
ابدأ كلامى بحسبي الله ونعم الوكيل مش عارفة في مين بس يلا حسبي الله ونعم الوكيل وخلاص كتبت خلال الفترة اللى فاتت قبل الاجازة عن كابوس الامتحانات ودلوقتي مش عارفة اكتب كلمة ايه غير كابوس تعبر عن كمية الحزن والخوف اللى انا حاسة بيه ولو قلت كلمة كابوس دى حتبقى كلمة صغيرة اووى على الباشمهندس " المدرسة" !! ومهما جيبت كلام فيه ولا عليه مش حوفيه حقه الحاجة الوحيدة اللى مفرحانى وفي نفس الوقت مخوفانى انى دخلت مرحلة جديدة " الثانوية العامة " للللللللللووووووولللى مين كان يصدق ان ندى العيلة الصغيرة دخلت ثانوية عامة دة انا كنت ماسكة في ابتدائي بايدي وسناني قضيت 7 سنين في ابتدائي سنة مستمعة " يعني بسمعهم بس من غير ما امتحن ولا حاجة " والخمس سنين العاديين والقنبلة اللى بتنفجر فيا انا اول واحدة انى اكون اول دفعة تتطبق عليها سنة سادسة ابتدائي كانوا اللى يشوفونى يقولولى انتى مش عايزة تكبري بقى !! مش قادرة اوصف لكم فرحتى اد ايه انى بقيت في ثانوية عامة دة مفرحنى 30 % اما ال 70% الباقيين متقسمين ع الاّتى ( اختر الاجابة الصحيحة :)) ) ان انا للأسف للأسف اختى دخلت كلية خلاص ودى تاني سنة ليها ربنا يوفقها يارب معنى كدة حتقعد تتريق عليا 24 ساعة وربنا ما يوريكم !! ثانيا ان العبدة لله ناوية على علمى وكل اللى في العيلة لما يسألونى حتدخلى ايه اقولهم علمى ( وكأنى قلت لهم بلوة ولا مصيبة او كأن يعني علمى دة عار في العيلة !!! ) يقولولى " اول واحدة حتطلع فاسدة في العيلة !! علمى يا بنتى ايه انتى بتهزري انتى عايزة تضحكي العيلة علينا لما تسقطى من اول سنة !! خليكي ادبي دة علمي دة فيزياء وكيمياء واحياء ومصايب ما انتيش قدها ) احباااااااااط ربنا ما يوريكم وانا اقعد اراجع نفسي واقول لا لا لا علمى سهل وحلو وان شاء الله حعدى والمشكلة ان اختكم كمان موسوسة يعني مش واثقة انى حوصل لمجموع حلو وربنا يستر وماتنزلش عليا اى قنابل تانية وتقول انهم خلاص لغوا موضوع التحويل من علمى لادبي !! ربنا يستر بس انا اصلا بكره موضوع الادبي دة مين دى اللى عندها القدرة السنة دى تدرس تاريخ وفلسفة وعلم نفس وحاجات غريبة احنا نخلينا في اللى بنحبه علمى علوم !!! هو كدة يا اما بلاش تالت حاجة بقى موضوع الانفلونزا دة .. والله انا مش حنكر انى خايفة منه بس مش اوى اللى خايفة منه اكتر الحقنة بتاعت التطعيم !!! يا نهااااااااااار منيل بستين نيلة ، حقنة ! لا لا يمكن انا اخد حقن دة انا ما صدقت انى خلصت من ايام التطعيمات لا وايه ماحدش يعرف ايه الحقنة دى ماممكن تكون حقنة 24 سنتيميتر تبقى مصيبة انا مستعدة اعمل اى حاجة الا الحقن نو نو نو ، جاميه ، ايمبوسيبول ثقافة بقى لازم تثقفوا لى بقى يا جماعة :)) فيعني سنة مية مية ودى طبعا القنبلة التانية انى اول دفعة تدخل المدارس وفي اثناء وجود الوباء المنتشر ياارب احفظنا كان ايه اللى حيحصل لو تضيع سنة من عمرنا بس نعيش واحنا كويسين وبصحتنا في ستين داهية سنة مش مشكلة لما يلغوها ولا انا اخد السنة وما اكملهاش واموت كمان دى تبقى مصيبة !! دة اللى انا حاسة بيه وتقدروا تعتبروه مذكرات واحدة داخلى على ثانوية عامة وافتكرت مدونة الاخ الفاضل / محمد الدخاخنى كان اسمها اوراق طالب ثانوى فبوجه له سؤال يا ترى انت عملت فيها ايه لو مش عايزها سلمها لاختك الغلبانة تعبر فيها عن مشكلتها الكبيرة وعن اللى حتواجهه خلال المرحلة دى والله كانت مدونة جميلة جدا مش عارفة اتقفلت ليه بس الجديدة حلوة برده شرنقتي الخاصة اه ما هه حضرتك خلصت من جو الثانوية العامة ومرتاح ما شاء الله الله اكبر اللهم لا حسد نفسي احس احساس حضرتك دلوقتي والله بس حاسة انى داخلة على مرحلة مافيش منها خروج ولا مفر فادعولى بالله عليكم واسفة جدااا ان كنت قصرت معاكم في التعليقات والردود والمتابعة بس والله كنت مشغولة جداا وكمان مدونة حكايات وفاء بتاعتى طلعت مسئولية كبيرة اوووووى فبالنسبة للبناتيت اللى بيتابعوها مش حوعدكم انى حنتظم في تنزيل الجديد بس ححاول بقدر الامكان انى اخزنهم في الوورد وكل اللى يبقى عليا انى اخد كوبي وبيست مع شوية التعديلات وكدة يبقى الموضوع اسهل بكتييير ادعولى الله يكرمكم بجد خاايفة جداا ومعلش طولت وبوجه كل سلامى الى كل افراد اسرتي الكريمة ( انتوا مش اهلى !! وهو انا حوجه لهم ليه يعني ماهما في وشي ليل ونهار :)) ) وبجد بدعيلكم من قلبي ان ربنا يوفقكم ويعينهم واللى خلصوا الثانوية ( انا مش بحسد والله ) بس ادعولى انضم للحزب بتاعكم بتاع ( مخلصين ثانوية عامة وازهرى !! ) واللى لسة ما انضموش بقولهم ما تقلقوش يا جماعة خليكم زيي كدة انا مش قلقانة خااااااالص !!!!!!! معلش طولت بس بجد طلعت اللى جوايا سلام
فكرة حــــــملة" مـــــدونتك هتـــنقذ طفـــــللك "
- اولا اسم الحملة نابع من ان الاطفال الى ان شاء الله هنساعدهم(اطفال مستفى 57357 )زى اطفالنا فواجب علينا نعمل كدة او هنقدم حاجة بسيطة لمساعدتهم وان شاء الله تكون ليها اثر كبير بأذن الله وخير علينا كلنا بأذن الله ومش تفتكروا ان مسعدتكوا دى بسطة لا بالعكس ومش كلامى دة كلام رسولنا العظيم ومعلم البشرية جمعاء :-قال أتى النبي صلى الله عليه وسلم رجل يستحمله فلم يجد عنده ما يتحمله فدله على آخر فحمله فأتى النبي صلى الله عليه وسلم فأخبره فقال إنالدال على الخير كفاعلهوفي الباب عن أبي مسعود البدري وبريدة قال أبو عيسى هذا حديث غريب من هذا الوجه من حديث أنس عن النبي صلى الله عليه وسلم ...قوله : ( يستحمله ) أي يطلب منه المركب ( فحمله ) أي أعطاه المركب ( فقال ) أي رسول الله -صلى الله عليه وسلم- ( إن الدال على الخير كفاعله ) لإعانته عليه ، فإن حصل ذلك الخير فله مثل ثوابه ، وإلا فله ثواب دلالته قاله المناوي .
- هنســـــــــــاعدهم ازاى :---
-ان شاء الله الفكرة ببساطة اننا عاوزين كل المدونات الى هتشترك معانا فى الحملة دى هتحط شعار المستشفى واللينك الخاص بالمستشفى على المدونة الخاصة بكل واحد هيشترك بأذن الله معانا وكمان فوق الشعار هتكون كلمة(اتبرع وانت فى بيتك ولو بجنية او دولار من هنا) والناس الى مبتدئين فى المدونات هشرح لهم بطريقة مختصرة ازاى هيحطوا الصورة واللينك وهى( انكوا تفتحوا صفحة التخطيط فى مدونتكم وبعدين اضافة اداة وبعدين نختار من اضافة اداة اختيار اضافة صورة وبعد كدة لما تفتح نحط فى خانة اسم النموذج الكلام الى اتفقنا علية وهو" اتبرع وانت فى بيتك" وفى خانة وصل هنحط اللينك بتاع موقع مستشفى 57357 والى هو http://www.57357.com/Default.aspx?PageContentID=8&tabid=155
وبعد كدة هنضيف الصورة بتاعة المستشفى وهى موجودة اعلى الموضوع بتاعى فوق وبس وجزاكم الله خيرا ) علشان فية ناس كتيرة متعرفش عن طرق التيرع الى هى كتيرة ومش معروفة وممكن تحقق عائد كبير جداا جداا ومش متركز عليها فى اعلانات التلفزيون والراديو ووسائل الاعلام وهدفنا فى الحملة دى اننا نوضح طرق التبرع المتعددة الى بدورها هتجيب عائد اكبر واكتر لو كل واحد استخدم ولو طريقة واحدة وهو فى بيتة وهقولوكوا نبذة عن طرق التبرع دلوقت :- ....
1 - البنوك :- (ودى متركز عليها كتير فى وسائل الاعلام ومش هنخوض فيها ) .
2 - انترنت الخير (هنركز اكتر عليها ):-يمكنك التبرع من خلال أستخدام ارقام انترنت الخير : 07775757 أو 07075757 بنفس سعر المكالمة العادية كما انه يمكنك حساب صافي قيمة ما تبرعت به بأستخدام عداد الخير ...
3 - التليفون (هنركز اكتر عليها ):-يمكنك الاتصال برقم 1468 أو 2357 من اي تليفون محمول او برقم 09009555 أو 09000957 و التبرع لصالح المستشفى اثناء استماعك للرسالة الصوتية . سعر الدقيقة جنيهان
4- بطاقة الائتمان (هنركز اكتر عليها ):-خدمة جديدة تقوم بها مستشفى 57357 لتسهيل التبرع بالتعاون مع بنك مصر و شركه Verisign العالمية لتأمين المواقع على الانترنت. يمكنك التبرع بأي عملة صدرت بها بطاقتك الائتمانية في أي بلد في العالم بما يعادلها من الدولار و ستقوم مؤسسه فيزا و ماستر كارد بتحويلها إلى دولار .فقط اضغط على اختيار دولار ,فنحن بحاجة إلى العمله الصعبة لتمويل عملية استيراد الأجهزة و المعدات الطبية .
5 - البريد المصرى (هنركز اكتر عليها ):-يمكن التبرع فى اى فرع من فروع مكاتب البريد المصرى لحساب رقم 26386
****حملتنا على ال facebook -
- ياريت كمان ياجماعة الىيحب يشارك بعمل شعار للحملة وعندة معرفة بالفوتوشوبويصمم شعار خاص للحملة يبقى جزاة الله خيرا وربنا يجعل عملة فى ميزان حسناتة ان شاء الله .واليكم لينك الجروب على الفيس بوك :-
**** وبعد ياجماعة ماستعرضنا كل حاجة عن الحملة عاوزين بقى ان شاء الله نبدأ بقى بأذن الله وتكون على خطوتين ان شاء الله :-
1 - ان كل صاحب مدونة او اى حد يقدر يساعد او اى حد يعرف صاحب مدونة يقولة على الموضوع وبعد كدة نحط زى ماتفقنا الصورة الى موجود بالاعلى واللينك زى ماشرحنا عن سابق ... وتخيلوا لو كل مدونة زارها فى اليوم 100 شخص او 200 شخص وضغط على اللينك وعرف طرق التبرع واتبرع تخيلوا الخير الى هيعم شكلة اية يأذن الله تعالى وان شاء الله ربنا هيوفقنا علشان نيتنا خير ان شاء الله وصدقة جارية كمان فى مدونتكوا ان شاء الله.. بقول رسول الله صلى الله عليه و سلم : « إذا ماتَ ابْنُ آدَم انْقَطَع عَملُهُ إلاَّ مِنْ ثَلاثٍ : صَدقَةٍ جارية ، أوْ عِلمٍ يُنْتَفَعُ بِهِ ، أوْ وَلدٍ صالحٍ يدْعُو لَهُ » - رواهُ مسلمٌ .
2 - نحدد يوم نحط الموضوع دة كلة بكامل تفاصيلة على المدونات الى هتشترك معانا فى الحملة ويكون يوم موحد ان شاء الله لكل المدونات وهنعرف اليوم دة من خلال تعليقاتكوا على الموضوع علشان يقرا اكبر عدد وتعم الفايدة والخير علينا كلنا بأذن الله وربنا يكرمكوا يارب ويوفقكوا ويثبتكوا على العمل الصالح وعلى شكرة وحسن وعبادتة اللهم امين ... ومستنى ردود فعلكوا ومشتركين ان شاء الله فى الحملة بأذن الله تعالى وانا واثق ان اهل الخير كتير والمدونات برضوا عددها كبير وان شاء الله الخير قادم بأذن الله ..
والسلام عليكم ورحمة الله وبركاته .. وعيد سعيد عليكم كلكم
تنويه هام : سنبدأ ان شاء الله فى النشر الجماعى ابتداء من يوم 29 / 9 / 2009 . (ساعدونا فى النشر ليعم الخير بأذن الله ) واحب ابشركم اننا بقينا حوالى 45 مدونة مشتركة معانا فى الحملة ونسعى للمزيد ان شاء الله بفضل الله وبفضل نشركم الجماعى بأذن الله . وكمان كل اللى عليك انك تنقل البوست دة وتحطه في مدونتك وطبعا بالاضافة الى الصورة اللى اتفقنا عليها فوق وربنا يتقبل منا ومنكم جميعا ويجعله في ميزان حسناتكم
العيد اهلا بيك والله واحشني اخبارك ايه ياترى جاي بحاجات حلوة ولا جاي بحاجات مش حلوة ربنا يستر كل عيد يعدي عليا اقول الكلمتين دول علشان مر عليا كام عيد وكان كله حزن لفراق اعز الاحباب ربنا يرحمهم ويتولاهم ما علينا سيبكم من الغم دة المهم كل سنة وانتم طيبين ومن قلبي قريبين ومن الكحك والبيتي فور تخنانين ومن العيدية مبسوطين ومن رمضان فائزين ومن الجنة قريبين دة تانى عيد يمر عليا مع مدونتى وخصوصا انها كملت سنة وكام شهر كدة ودة ابتداء من يوم 25/8 اللى فات وقال انا فاكراها كملت سنتين بس احمد ربنا انى بجد عرفت قيمتها بقولها كل سنة وانتى طيبة مع انى مش عارفة اذا كان دة تاريخ ميلادك الحقيقي ولا لا وماعملتلكيش حفلة زى ما كل الناس بتعمل لمدوناتهم بس ليكي عليا يا حبيبتي احلى حفلة السنة الجاية ان شاء الله بجد ما حسيتش بطعم المدونة دى من غيركم ربنا يخليكم ليا وليها كل عيد وانتم بخير
موضوع نقلته وان شاء الله حيعجبكم جداا وحيموتكم من الضحك : : :
آخيرا وبعد طول عنــــاء قرر العبد لله اتخاذ قرار من شأنه أن يغير طريق حياتى بشكل جزرى ... لقد قررت .. أتجوز !! طبعا عريس زيى يعتبر لقطة لأى بنت ... يعنى تلاقى فيا مواصفات نادرا لما تلاقيها في أي متقدم للزواج فأنا على سبيل المثال لا الحصر طبعا ... عاطل + شحات + فقرى !! أظن أن دى مواصفات يصعب على أي عائلة تبحث عن النسب الأصيل ان تجدها في غيرى إلا فيما ندر ... ومن هذا المبدأ فقد تشجعت لهذه الخطوة الجريئة مبدئيا كدة ... بم انى عاطل .. فأول حاجة هافكر فيها عشان اقدر اتجوز ... هى مصدر اعتمد عليه للصرف على تكاليف هذا الفيلم ... وطبعا بدون تفكير لم اجد نفسى الا وانا انطق اسم واحد فقط ... ابويا !! بعد تكتكه ومخمخمة لأيجاد طريقة للدخول بها لوالدى العزيز لأقناعة بالمسألة بدون خسائر مادية او روحية ( مين روحية دى ؟!! ) ... جاء أخيرا اليوم الذى اخترته لأفاتحه فيه بالموضوع ... ففى هذا اليوم استيقظت باكرا ... باكرا جدا ... قبل ان يستيقظ اى شخص فى منزلنا الموقر ... وانتظرت كثيرا حتى استيقظ الوالد ( طلع نومه تقيل اوى) !! فتح والدى باب غرفته وهم بالخروج وهو يدعك بكلتا يديه فى عيناه ليجدنى فى وجهة مباشرة !! أبويا : حراماااااااى ... حرامااااااااااااااااى ... اطلبي البوليس يا زينب ... يا زينااااااااااااااااااااب ... انا مش هاسيبك الا فى القسم يا نصاب .. هى العملية ناقصة ... جاى تسرق غلابة يا أهبل ... طب روح اسرق المعلم سيد اللى فوقينا .. اهو هاتلاقى عنده حاجات كتير تتسرق ... انما احنا هاتسرق من عندنا ايه .. كباية شاى ولا رابطة بقدونس ... تعرف انا هاسلمك للبوليس مش عشان انت نصاب لأ .. انا هاسلمك عشان انت اهبل ... عارف يعنى ايه اهبل ؟؟ انا محاولا التخلص من قبضة السيد الوالد : استنى يا زينب .. اوعى تقربى من التليفون ... يخربيت اللى يزعلك ... انا ابنك يا حاج !! ابويا : كداب انا ابنى صايع ومابيجيش البيت قبل الضهر ... العب غيرها يا نصاب ... يا حراااااااااااااااامى ... مش هاسيبك الا فى القسم !! انا ممسكا بالنظارة : طب خد بس يا باشمهندس البس دى وركز كويس !! ابويا بعد ما لبس النضارة : ايه ده ؟!! ... انت ايه اللى مقعدك فى البيت الساعة دى ... يبقى اكيد عملت مصيبة برة وجاى تستخبى هنا يا صايع ( وراح ماسك فيا تانى ) .. المرة دى بقى انا اللى هاسلمك للبوليس بأيدى ... انتى لسه ما اتصلتيش بالبوليس يا زينب ؟؟!! امى : خلاص بقى يا حاج اهدى شوية خلينا نشوف فى ايه ... وانت يا مدعوق ... ايه اللى رجعك الساعة دى ؟!!! انا : هو في ايه .. مش بيتنا ده بارضو ... ولا ده بيت السلاحف ... ولا ايه ؟!! طرااااخ ( قلم على الهوا !! ) .. وراح قافش فى هدومى تانى !! ابويا : بيتك ؟؟ ... هو اللى زيك ليه بيت يا صايع .. ده السلاحف بتقعد فى بيتها على طول ... انما انت برة البيت على طول يا متشرد ... آل سلاحف آل ... جاك سلاحف نينجا لما تبقى ترميك فى بلاعة كهربا يا بعيد !! انا بنرفزة : جرى ايه يا حاج ... ما تهدى شوية .. وشوفنى جايلك فى ايه ... الله ؟؟!!! امى : خلاص خلاص يا حاج اقعد كدة وروق .. وشوف ابنك عايز ايه منك .. على ما أروح احضرلكوا الفطار ... ربنا يهدى سركوا ... بعد مرور ساعة او ازيد تقريبا من الشد والجذب ... تخللها الفطار المصرى الشهير .. الفول وتوأمه الطعمية .. ثم كوباية الشاى بالنعناع البلدى ... تمت السيطرة على والدى المبجل .. وهدأت الحرب المشتعلة وحصلنا على هدنة والحمد لله !! ابويا : أدينا يا سيدى فطرنا مع بعض على غير العادة .. وحبسنا بكوباية الشاى كمان ... ممكن تقولى عايز ايه ... وايه اللى كان موقفك قدام باب الاوضة من طلعة الشمس زى الحرامى اللى مخلص شغله وماشى كدة ؟!! انا : شوف يا حاج ... بدون مقدمات .. واحراج وكلام ورغى كتير ... انا هادخل معاك دوغرى !! ابويا : تعجبنى !! انا : أنا عايز اتجوز !! ابويا : أطلبى البوليس يا زينب !! انا : يوووووه ... ايه يا حاج ... انت ليك حد واحشك فى القسم ولا ايه ... هو كل جملة مفيدة نقولها لازم تتختم بالبوليس ؟!! ابويا : ما هو لما مايبقاش عندك دم للدرجة دى ... ووصلت للمرحلة دى من الاوعى ... يبقى لازم أطلبلك البوليس عشان ياخدوك فى الحجز يفوقوك بكام قلم !! انا : شوف يا حاج ... انا مش هاكلفك كتير ... انا كل اللى عايزه أوضة على سطح اى عمارة بمنافعها وقضيت على كدة !! ابويا : آه ... ومين بقى بنت المجنونة دى اللى هاتوافق تتجوز واحد عاطل وشحات زيك ؟!! انا : يووووووووه ... ده الحريم على قفى من يشيل يابا ... ده دلوقتى اللى بيتجوز واحدة .. بيدوله اختها هدية !! ابويا : اطلبى البوليس يا زينب !! أنا : ليه تانى ؟!! ابويا : عشان انت كداب ... ازاى العروسة وأختها ... ما ينفعش ... شرعا لا يجوز !! أنا : يابا .. أنا بقولك مثلا يعنى ... اللى عايز أوصلهولك ان البنات دلوقتى بقوا أكتر من عروض المحمول ... وأسهل من مسابقات قناة ميلودى .. يعنى اللى هاتطلبها للجواز دلوقتى ... لا هاتدقق فى مهر ولا شبكة ولا مؤخر ولا الكلام الفاضى بتاع زمان ده ... الأهالى دلوقتى بقى كل اللى يهمهم حتة يتلم فيها الواد والبت وخلاص ... ده اللى عنده بنت دلوقتى بقى بيشتركلها فى قناة زواج اللى على الدش عشان يشوفلها عريس .. يعنى بيدللها على راجل !! أبويا : طب وهاتصرف عليها منين بعد الجواز يا فالح .. ده انت صايع .. لا شغله ولا مشغلة !! انا : والله بتتقضى ... وانا مقدم على كام شغلانة كدة وربك يكرم بقى .. بارك انت باس يا حاج ... وهى هاتسلك !! ابويا وهو يحضننى بمنتهى التلقائية : الف مبروك يا حبيبى ... ياااااااااااااااه جه اليوم اللى اشوفك فيه عريس ... يا سلاااااااااااااااااااام ... انا جعان !! انا :ها !!!!!!!!!! أمي : ما أحنا لسه شايلين الفطار يا راجل ... ايه ... لحقت هضمت ؟!! انا مستدركا : المهم دلوقتى يا حاج ... انا منمًر على واحدة كدة بنت ناس .. وكنت عايزك تيجى تشوفها معايا .. ابويا : ومين بقى سعيدة الحظ اللى بختها الأعمى جابها فى سكتك ؟!! انا : سونيا جارتنا !! أبويا : اطلبى البوليس يا زينب !! انا : ليه بس يا حاج ... ما كنا ماشيين كويس ... مالها بس سونيا ؟؟ ابويا : انت ياض عايز تتجوز واحدة ... بتبات فى بيوت الناس اكتر ما بتبات فى بيتهم ؟!!! انا : لالالالالا .. انا ماسمحش الكلام ده يتقال ابدا عن سونيا ..دى ست سمعتها زى البرلنت !! ابويا : عشان لما ابقى اقول عليك اهبل تبقى تصدقنى .. انزل ياض كدة ووقف اى عيل صغير ماشى فى الشارع .. وأسأله تعرف ايه عن سونيا ؟!!! انا : يابا وعلى فرض ... اللى فات مات خلاص ... واحنا ولاد النهاردة ... والست خلاص اتحجبت دلوقتى .. وبقت حاجة كدة ماشاء الله مثال للمرأة المثالية ... ورمز للعمل الوطنى !! ابويا : العمل الوطنى ؟؟ ... هو انت هاتتجوز هدى شعراوى ولا ايه ؟؟ ... دى سونيا ياض ... سونياااااااااااااااااااااااا !! انا : ياعم عارف انها سونيا ... هو انا قولتك عبد الهادى ؟!! ... بارك انت بس الجوازة وهى هاتتقضى وربنا يسهلها ان شاء الله أبويا وهو يحضننى بنفس التلقائية : الف مبروك يا حبيبى .. آخيرا جه اليوم اللى اشوفك فيه عريس ... يا سلااااااااااااااااام ... بس انا لسه جعان !! بعد جلسة المباحثات المطولة على المائدة المستديرة المسماه عند الطبقات الشعبية بالطبلية ... وافق والدى العزيز على العروسة وقرر الذهاب الى بيت العروسة للتقدم !! وفى مساء اليوم التالى ارتديت قميص جديد آخر صيحة استلفته من أحد الجيران ( الله يستر عرضه ) .. قميص عليه كل الوان الورود المختلفة .. أخضر × احمر × ازرق .. جنينة متنقلة !! .. وارتدى والدى هو الآخر جلبابه الابيض .. صاحب أكبر بقعة زيت فى المنطقة كلها ... رغم اننا بنستعمل برسيل ابو نضافة مالهاش مثيل !! ... ماعلينا .. انطلقنا على بركة الله متجهين الى منزل الست سونيا ... وما ان وصلنا وفتحت لنا سونيا الباب ... حتى انطلق والدى فى الهتاف .. ازيك يا طاهرة ... يا شريفة ... يا .. أنا مقاطعا : ايه يا حاج ... انت داخل مقام ؟؟ ... خش يابا من غير فضايح .. أحسن الولية دى ايديها طويلة وبتاكلها !! أبويا بخوف : حـ .. حاضر !! ودخلنا وقعدنا ... ابويا : بسم الله ماشاء الله ... البيت جميل .. وفيه حمامين وصالة كبيرة كمان .. والله ولعبت معاكى يا سونيا .. ده أنا آخر مرة دخلت البيت ده ما كانش فيه أوض !! انا : طب بس بقى أحسن جايه .. الست سونيا : يا اهلا وسهلا .. يا اهلا وسهلا ... خطوة عزيزة ... شرفتونا وآنستونا أبويا : اهلا بيكى يا ست سونيا ... شوفى يا ستى احنا هانخش دوغرى فى الموضوع .. وبدون مقدمات ... من الآخر كدة ... انا جاى اطلب ايدك لأبنى !! سونيا بضحكة ركيعة : هـــــــــــا هأ هأ هأ هأ هــــــــــــــا ابويا : ايه ده .. هو فى حد تحت الكنبة ولا ايه ؟!!! انا : كنبة ايه يابا ... خليك معانا أبوس ايدك ابويا : اومال ايه الصوت ده ؟!! سونيا بنرفزة عالية : اخرس انت وهو !! انا وابويا : ط .. طيب !! سونيا : وبسلامته ابنك ده بقى ماهيته كام ؟؟ انا : لا حضرتك انا ما باخدش ماهية ... اصل انا مش موظف ! سونيا : مش موظف ؟؟ ... اومال ايه يعنى ... عندك مشروع ؟!! انا : لا حضرتك ولا عندى مشروع ... انا يا ست سونيا بلا فخر ... عـــــــــاطـــل !! أبويا : وشحات كمان ... يلا بقى !! انا : بس يا ست سونيا .. انا مقدم على وظيفة كدة وهاستلمها ان شاء الله اول الشهر الجاى ... يعنى كلام اكيد خلاص !! سونيا : عاطل وشحات ؟؟ ... آه ... وايه بقى الوظيفة اللى هاتستلمها أول الشهر دى يا عنيا ؟!! انا : آ ... حضرتك انا هابقى شيف فى كوفى شوب .. بس شغلانة بمرتب محترم محترم يعنى !! سونيا : شيف فى كوفى شوب ؟!! ... والمرتب هايبقى كام يا ضنايا ؟!!! انا : صاحب الكافيه أكدلى انه مش هايقل عن 200 جنيه !! سونيا بضحكة بارضو ركيعة : هـــــــــــا هأ هأ هأ هأ هــــــــــــــا ابويا : تانى ؟؟ .. لأ مابدهاش بقى .. اما انزل اشوف مين اللى تحت الكنبة !! انا : ابوس ايدك يابا تقعد مكانك !! ابويا : ايه يا ست سونيا .. مش عاجبينك الـ 200 جنيه .. بكرة يا ستى بمرور الوقت مرتبه يعلى ... وأهى ايد على أيد وبالصبر كل شىء بيعدى !!! سونيا : انت عارف يا واد انت انا بقبض كام فى الليلة ؟!!! انا : ايه واد ديه ؟!!! .. ماعلينا .. كام يا ست سونيا ؟ سونيا : 500 جنيه فى الليلة !! ابويا : اطلب البوليس !! انا : بوليس ايه بس يا حاج استنى !! ابويا : بتقولك 500 جنيه فى الليلة دى اكيد شغالة فى بيت من اياهم !! سونيا : تف من بقك يا راجل انت .. انا بارضو بتاعة بيت من اياهم ... انا بلهفة : اومال حضرتك بتشتغلى ايه يا سونيا هانم ؟؟؟ سونيا : انا بشتغل فى تهريب الآثار !! انا : الآثار ؟!!! ابويا : الحق يا زاهى يا حواس !! سونيا : آه الآثار ... شغلانة شريفة ... ومفيهاش مرقعة وقلة أدب ابويا : آه طبعا شغلانة شريفة ... اتصل بالبوليس !! سونيا : بوليس لمين يا عنيا .. ما الحارة كلها عارفة انى بتاجر فى الآثار .. بس اللى عنده دليل عليا يثبت ... ابويا : آه يا منحرفة !! انا مستفسرا : طب هو حضرتك بتعملى ايه بالظبط .. يعنى بتروحى بالليل تسرقى تماثيل من المتحف وتبعيها يعنى ولا ايه بالظبط ؟؟ سونيا : لالالالالالا .. دى شغلانة كبيرة .. آه .. كبيرة أوى يا سى الأفندى .. وانا مجرد حلقة فيها ... كل دورى فى الموضوع ده هو النقل من مكان الاستلام لمكان التسليم وآخد حسنتى واتكل !! ابويا : طب يعنى الشغلانة دى مش صعبة على واحدة ست زيك ؟؟ سونيا : بالعكس .. دى الشغلانة دى بالذات ماينفعهاش غير واحدة ست !! انا وابويا فى نفس واحد : اشمـــــــــعـــــــــنى ؟!!! سونيا : ايه هو ده ؟ ... قصره .. عشان انا اللى بنقل القطعة من مكان الحفر لمكان التسليم بالعربية وطبعا القطعة دى ببقى رابطاها حوالين وسطى وفوقيها البس الفستان الجينز بتاع الحوامل ... واعمل نفسى حامل !! انا : ولو أي لجنة وقفتك فى الشارع استحالة تشك فى هدومك !! سونيا : كلك مفهومية ياسى الأستاذ !! ابويا : طب والناس اللى معاكى دول مش ممكن يتقفشوا ؟؟ سونيا : يتقفشوا ازاى بس ... اذا كان الناس دول بيبقوا معظمهم ناس تقيله ومسئولين كبار فى البلد !! انا : مسئولين كبار ؟!!! ... الـــعـــــب !! ابويا : مصر بتتقدم بينا !! سونيا : اومال ايه يا سى الاستاذ .. الدنيا حامية .. والكرسى مش دايم !! انا : طب انتى بتحكيلنا بصراحة كدة ليا ... مش خايفة مننا مثلا ؟!! سونيا : هـــــــــــــــأ هأهأهأهــــــــــــــأ ابويا من تحت الكنبة : اطلع من تحت الكنبة يا حيوان ... اطلبى البوليس يا سونيا !! سونيا مكملة غير مبالية : أخاف منك انت ؟؟ ... انت أهبل ياض انت !! ابويا : شوفت ... يعنى مش لوحدى ... آدى سونيا كمان بتقول عليك أهبل .. أقتنع بقى يابنى !! انا : كدة كتيييييييييييييير ... انا ماشى !! طرااااااااااااااخ ( صوت باب الشقة ينفتح بعد كسره !! ) سونيا : ايه ده انتوا مين ؟ ... وعايزين منى ايه ؟؟ الظابط : آخيرا وقعتى يا سونيا ... ده انتى مغلبانا وراكى من أكتر من سنة .. كله يقف مكانه !! ابويا ببلاهة : زينب بلغت البوليس !! الظابط : نعم ؟!!! ابويا : لأ مفيش ياباشا !! الظابط : قدامى كلكوا !! بعد ليلة طويلة فى القسم من أجراءات واسئلة واجوبة لم تخلوا بالطبع من بعض المناوشات اليدوية من جانب السادة المخبرين !! ( حاجة كده ذى خدمة العملاء ) ... تم أخراجنا من القسم انا ووالدى سالمين بعد ان اثبتت التسجيلات التى أخذت عن شقة المدعوة سونيا ( الله يحرقها ) ان انا وابويا مالناش فى الموضوع .. وخرجت الصحف فى اليوم التالى تزف الخبر التالى : القبض على أكبر شبكة تهريب آثار فى البلاد .. وتورط مسئولين كبار فى القضية !! أبويا وهو جالس على الكنبة بجوار والدتي : ها يا حبيبى ... مش عايز تتجوز ؟!! أنا : أطلبى البوليس يا زينب !!
السلام عليكم جميعا ورحمة الله وبركاته تم بحمد الله افتتاح المدونة الجديدة : :
* حكايات وفاء * وتم اضافة الفصل الاول من القصة بعنوان << وفاء >> وان شاء الله تعجبكم القصة هو بس الفصل الاول مش مثير زى الباقي لكن ربنا ييسر الامور وان شاء الله حعمل لنفسي جدول انى انزل حلقة او اتنين كل اسبوع ادعولنا مسئوليه كبيرة اووى في انتظاركم على :: :: ::
السلام عليكم ورحمة الله وبركاته .. تحية طيبة وبعد تم افتتاح مدونة حكايات وفاء وهى مدونة للحكايات الاسرية ولاعطاء القدوة المثالية للزوج الصالح والزوجة الصالحة من منا يا بنات لم يقرأ قصص سارة وعمر التى بدأت بحكاياتهما ومغامراتهما قبل الخطوبة وكنا معهم خطوة بخطوة ولحظة بلحظة وانتهت قصتهما عندما تزوجوا ورزقهم الله ب( يحيى ) وانتهت بهم المذكرات الى يوم من اسعد ايام حياتهما وهما في بيت الله الحرام يؤدون فريضتهم مدونة حكايات وفاء تحكي عن زوج صالح وزوجة صالحة يحاولون تغيير مفاهيم الحياة من حولهم ويحاولون الحفاظ على بيتهم من كل شر وسوء وبطلا قصتنا هما سمير & وفاء رزقهم الله ب 4 اطفال ويحاولون تربيتهم بطريقة سليمة حتى ينفعوا دين الله والاسلام يتصادف مع سمير ووفاء مشاكل عدة وبالعقل والحكمة والاخلاص والصدق يستطيعون بعون الله ان يتصالحا ويتفقدا الامور ويصلحونها لن اطيل عليكم هذه مدونتى الجديدة * حكايات وفاء * http://wafa2stories.blogspot.com/ وهذه قصة سعدت جدا بلقائها في كتاب امتلكه ببيتي من تأليف / عبد الخالق حسن الشريف التى يقدم من خلالها الاسرة المتأسية والصورة النيرة ويهديكم هذا الاهداء الى كل بيت الى كل زوج وزوجة الى كل رجل وامرأة الوفاء .. رمز احببته الوفاء .. اسم اخترته لكل بيت يبحث عن السعادة لكل زوجين كي يتعرفا على المودة ويتذوقا معنى الرحمة فالسعادة ليست مادة السعادة محبة .. والمحبة ألفة .. والألفة رحمة نقدم لكم وفاء .. حكايات اسرية ننتظر منكم المشاركة والمتابعة والدعاء لكل زوجين ان يرزقهما الله السعادة وان يرزق شباب وبنات المسلمين الذريات الصالحة امين ملحوظة لازلت بشوف امتى ان شاء الله حبدأ القصة سواء قبل رمضان ما يخلص او بعده علشان مش عارفة ممكن اكون مشغولة في الدراسة ثانوية عامة بقى قولولى رأيكم وشاركونى انا جاهزة ابدأ من بكره حتى مستنياكم هنا وهناك بحبكم في الله اختكم ،،
تحديث 7 سبتمبر 2009 نسيت اقولكم مدونةقطرات ندى عندها دلوقتي سنتين وكام يوم يعني كان عيد ميلادها من حوالى 9 ايام كل سنة وانتوا معاايا وقريبين من قلبي ياارب
صباح الخير للي بيقرا الموضوع الصبح ومساء الخير للي بيقرا الموضوع بالليل !! وما علينا من العك دة :))) ازيكم وحشتونى جدا اسفة لغيابي عن المدونين بس بجد غصب عنى لانى اليومين دول اخدة برد جامد ادعولى كتير ما علينا المهم رمضان عدت ايامه ودخلنا في اليوم ال 12 اهه يعني جرى بسرعة اسأل نفسك / اسألي نفسك ياترى قدرتى تعملى كويس خلال ال 12 يوم دول وانت كمان ؟ وياترى اللى عملته حتقدر تستمر عليه ولا حتكسل ؟؟!! مهما قلت ومهما عملت اكيد قصرت مهما عملت .. قصرت وكلنا بنقصر بس اللى علينا بقى اننا نعوض اللى فوتناه وضيعناه واللى قصرنا فيه ماهه رمضان مش صوم وصلاة واكل بس ؟؟ اكل ها ؟؟ ههههههههههههههههههه يا ترى انت راضي عن اللى انت عملته وياترى رمضان بالنسبة لك كان نقطة تحول وتغيير ولا لسة زى ما انت بجد حاسة ان قلبي طاهر وابيض اوى فيه حاول تغير من نفسك قدر الامكان عارفة كويس ان الكلام دة قالوه وعادوه كتير بس يمكن يكون منى نقطة تحول وتغيير ويمكن يكون مكشوف عنى الحجاب ههههههههههههههههههههههه بالمناسبة في برنامج حلووو اووى بييجي على قناة اقرأ بعض الفطار مباشرة على حدود الساعة 6:30 او 6:45 اسمه قاطعوا هذه المنتجات حلو اووى وحيعجبكم للداعية الاسلامى حفظه الله الشيخ / محمود المصري بجد برنامج راااائع ومدته ما تكترش عن نص ساعة تابعوه بجد حيعجبكم اسفة على غيابي مرة تانية بس بالله عليكم ادعولى وادعوا لوالد اخونا اخوانى حتى النخاع لانى لاحظت في تعليق منه في المدونة ان والده معتقل ربنا يفك اسره وسجنه يارب امين وكل سنة وانتم طيبين وعيد سعيد ورمضان كريم وان شاء الله زواج مبارك :))))
ازيكم يا احبائي في الله النهاردة مش اي يوم عادى النهادرة يوم غير عادى قالوا فيه كل سنة والامة الاسلامية بخير وقالوا لسة بس يومين ع الهلال المنور فكل سنة وانتم بألف خير يا حبايبي كل مدونة اتكلمت عن المسلسلات واسأل مجرب من رمضان اللى فات وكل المدونين ما اتكلموش غير ع الموضوع دة وانا بصراحة ماكنتش عارفة اتكلم عن اى مضمون ولا عارفة اصلا ايه هو مضمون الموضوع بس حبيت اهنيكم بشهر رمضان وعايزة اقول حاجةللناس اللى بتتابع مسسلسلات رمضان مش حقولك ما تتفرجش عليها بس استنى لغاية بس ما الشهر الفضيل دة يخلص وحتلاقيها مليون مرة على مليون قناة كل سنة كنت من الناس اللى بتتابع الحاجات دى بس المرة دى اخدت عهد على نفسي " رمضان السنة دى .. حيغير حياتي " رمضان مش بييجي غير مرة كل سنة والمسلسلات دى تخلص من القناة دى تيجي على القناة دى قضوا الشهر دة صوم وعبادةالشهر دة بس والله حتحسوا بفرق وراحة بااال غريبة جدااا وغير عادية والله ما عارفة اتكلم عن ايه ولا ايه لكن بس قولي افرض دة اخر رمضان حيعدي عليك والله والله والله انا خايفة اموت قبل ما رمضان يدخل عليا طيب ما بالك يدخل عليك ويعدي كدة بالساهل حتحس بحسرة جامدة اووى استغنى عن المسلسل بس لربنا شوف ربنا اداك عمر مديد ما شاء الله مش عايز تديله من العمر دة شهر واحد ؟؟ يا أنانيتك يا اخى/تي فرصة اعتبروها فرصة اخيرة ويمكن مش تتكرر حتستغل الفرصة دى بالفرجة ع التفزيون والناس كلها استعدت للمشاهدة وظبطت عينيها كويس على تردد التليفزيون والقنوات تتسابق وتقول لبعضها انا حقدم مسلسلات اكتر وقال كدة بيستعدوا لرمضان حرام عليكم والله كل دة حرام فكر في نفسك ازاى حتصلي وانت بتفكر ياترى ايه اللى حيحصل بكره في الحلقة الجاية ؟ يا شيخ انت بتفكر في ايه بس اختم القراّن اقم الصلاة صوم قم الليل حتخللي حياتك كلها رزق وسعادة وكل سنة وانتم احبائي في الله وكويسين وبخير ^^^^^^^
رابع سنة تمر عليا من غيرك يا غاليتي رحمة الله عليكي يا اماه ربنا يغفر لكل المؤمنين والمؤمنات المسلمين والمسلمات الاحياء منهم والاموات امين ياارب تقبل الله منا ومنكم الاعمال الصالحة
النجوم السوداء هي عيون اقتحمتها قلوب الاعداء التي لا مفر منها همسات رقيقة لا يؤدي طريقها الى اي بلاء ورقات متطايرة تلمحها فقط قلوب العشاق اذا نظرت اليها وتمعنت النظر ترى عيون الاحباء اذا رأيت بها بريق فتعلم كم بها من رخاء تعلو عيون البشر كافة من ينظر اليها يكون شاردا ومن تبعد نظرها عنها تكون بلهاء كم يملؤها الحب والجنون وكم ينتظرها الجميع للقاء وحتى اذا فقدت وعيك ترى هذه العيون الحسناء يذهل الجميع اذا رأوها وكأنها هى الجميلة الشقراء صافية كالسماء قلبها ابيض وكأنه هو نفسه النقاء ...
