ولله الحمد .. تاج 2

28 مايو 2009


نبدأ باسم الله الرحمن الرحيم
وتوجنا اخيرا بتاج الحب في الله اعزائي القراء
وبعث الله لنا بتاج اخر من اختنا بنت الحرية
هذا هو التاج رقم 2 في المدونة العزيزة
وكان التاج الاول من قبل الاخ الكريم اخواني حتى النخاع
ما يجعلني سعيدة
انه بفضل الله اصبحت مدونتى تثير اعجاب كثيرا من القراء
والاهل والاصدقاء
وهذا كله بفضل من الله سبحانه وتعالى
نحمد الله على هذه النعمة الكريمة
التى هى بالفعل تاج على رأسي
واريد ان اعلمكم ان هذه المدونة
لم تكن ببالي نهائيا بالماضي
ولكن عرفت مكانتها عندما اقام احد الاخوة لى مدونة
والاّن اتوق الى مشاهدة او رؤية هذه المدونة
ولكن لم يرد الله هذا
فالحمد لله على كل حال
ويعلم الله ان هذه المدونة في البداية لم تكن في نظرى سوى موقع تقليدي
والاّن اصبحت كنز من كنوز الدنيا
نحمد الله
طولت جدا
نشوف الاسئلة بقى
بسم الله الرحمن الرحيم

من انت ؟؟
انسانة يقولون صاحبة القلب الطيب الكبير - لقبونى بسيكولوجي وكانت مجرد كلمات
لكن الان انا طفلة تتمتع بما تراه من جمال ، وقريبا انسانة تستمتع بحب اقرب الناس اليها

وما الذي تفعله هنا ؟؟
طلبتم منى ان اجاوب على هذه الاسئلة ولكن وجودى الاّن لا يعني اننى هنا لمجرد كتابة
الاجابات ؛ لا والف لا ..
هذه هي مدونتى .. هذه هي حياتى

اسرائيل تقصف كل جنوب ممكن بحثا عنك ، اي شمال ستقصد ؟
شمال ضميري ، لم اخطئ ، فلا داعي للهرب ، لست خائفة من هؤلاء الحاقدين ومن يهرب منهم
فهو بلا شك انسان غير مقدر لمعنى الحرية

انت مكلف بحذف حرف من حروف اللغة العربية .. ايهما ستختار ولماذا ؟
اعتقد ان لكل حرف حلوه ومره ، لذا اذا حذفت حرفا واحدا سقطت بقية الحروف
واذا حذفت واحد ولم تسقط البقية وهذا مستحيل فلا معنى للحياة وسيأتى حرف اخر يرث ما تم حذفه

لو قدر لك ان تدخل السجن فهما هي القضية التى تتمنى ان تدخل بها اليه ؟
كلام للحكومة او مثلما يقولون ازعاج سلطات
واول كلمة سوف اقولها
اسفة للإزعاج !!

بالمناسبة .. منذ متى اكتشفت نفسك ؟
والله لايزال البحث عن نفسي جارِ

على مفترق طريق للافتتان، اليمنى تقول ( إلى حلمك )
واليسرى تقول : ( الى ما لم يحلم به البشر )، اي الطرق ستسلك ؟
لا ابالي بما يحلم به الناس ، اكتفي بحلمي ربما يكون هو مالم يحلم به الناس !

نحن لا نعيش حياتنا بل نتعلم فيها كيف نعيش ما تعليقك ؟
حيرني هذا السؤال العجيب
ولكن اذا تعلمت او لم اتعلم فأظل ( عايشة فيها )
ولكن ان اعيش بحريتي هي التى ستمكننى من ان امسك بيداي اليمنى واليسرى
مستقبلي

بجملة واحدة فقط اكتب تعريفاً لكل كلمة من الكلمات التالية
الوطن ، الأم ، الليل ، الحب ، امريكا ، المرأة ، الصمت ، الانترنت
* الوطن :- بيتي و قلبي و حياتي التى لست في غنى عنها .
* الام :- قلبي الحنون و صديقتي الغالية .
* الليل :- مستودع دموعي واسراري .
الحب :- مازال البحث عنه جاري ..
* امريكا :- حسبنا الله ونعم الوكيل .
* المرأة :- انا وانتى .
الصمت :- اصعب انواع الحزن .
* الانترنت :- انتم هو وهو انتم .

اختر منصبا واتخذ قرار ؟
وزارة الشباب والرياضة ، اهتموا بالاطفال هم جيل المستقبل

قيس، عنترة، جميل، هم الذين يقولون شعرا،
وليلى وعبلة وعزة << صموت >>لماذا هذا التغييب للمرأة ؟
المرأة جمالها في حياءها
واعتقد ان المرأة اذا شعرت انها تحب او تمتلك مشاعر رائعة
فستحتفظ بها في قلبها
فمستودع المرأة للأسرار هو قلبها

" ان تكون مطلوبا لارتكابك جريمة، خير لك من ان لا تكون مطلوبا مطلقا " ،
هل تتفق مع هذه العبارة ؟ علل وابقى مطلوب ليه في هذه الجريمة ؟
بالطبع لا
لاننى لم اقم ولن اقوم بأي عمل يضعني في هذا الموقف الحرج وسأظل الى الابد حرة .

الى اين تمضي كلمات الحب .. بعد ان نقولها ؟
قلب حبيبي ، واحيانا الى قلبي انا .

هل تجد علاقة بشكل او بأخر بين المرأة وقطاع الطرق ؟
مش فاهمة !!!

هذا فراق بيني وبينك .. متى ولمن تقولها ؟
اذا كنت تحب فاعلم انك لن تفارق
وان جئت في يوم وقلتها فاعلم انها خارجة عن قلبك وليست بمحض ارادتك
ليس لاحد بعينه .

كيف هو غدا ؟
غدا هو اليوم هو امس هو لله .

واخيييييييييرا لمن امرر التاج ؟؟
* تخاريف واحاسيس ايوشة
* دنيا البنات - قصاقيص حور الجنة
* هل تبحث عن السعادة
* عاشقة الجمال
والباقي قامت بنت الحرية بارسال التاج لهم
ونحمد الله على الانتهاء .

26 جزاهم الله خيرا علقوا:

VÖltaa يقول...

مبروك التاج ياجنة
اجابتك جميلة وبريئة ^_^

عقبال تيجان جاية كتييير تتدبسى فيها ان شاء الله
ههههههههه

رحلتنا في الحياة يقول...

مبروووووووك التاج ياقمر واجاباتك كلها جميلة وعجبتنى اوى وكل مرة بتاكد انك ماشاء الله علقك اكبر من سنك بكتير
امال بخصوص احل التاج عاااااااا صعب انا التاج جالى بتاع عشر مرات وكل مرة بعتذر مش عارفة السبب بصراحة وحاولت احله معرفتش

Qatarat Nada يقول...

Mo7ammed
الله يبارك في حضرتك
ربنا يخليك
مع انى مش من طبيعتي انى اكتب بالفصحى
علشان كدة الاجابات ماعجبتش بعض الناس لانهم مش متعودين على انى اكتب بالفصحى
وكنت مقررة انى امسحهم واكتبهم من جديد لكن لاقيت الردود فاستحالة طبعا افكر اغيرهم دلوقتي
ان شاء الله نتدبس كلنا في مليون تاج تانيين
شكرا لمرورك
نورت المدونة

ايوشة
الله يبارك فيكي يا حبيبتي
ربنا يخليكي يا قمر
طيب ليه كدة
دة انا بفرح جدا لما حد يبعت لى تاج لانه كدة بيدل ان المدونة بتاعتى عجبت ناس كتيرة
معاكى ان اسئلة التاج دة صعبة اوى
بس سبحان الله وانا بحلها كانى في واحدة بتمليني الاجابات بقيت بكتب وكأنى مش انا اللى بكتب
معلش يا قمر حاولى تحليه
مش بغصبك على فكرة انتى وراحتك يا حبيبتي
بس اهه فرصة اتعرف على شخصيتك اكتر
يلا في انتظار ردك
شكرا لمرورك يا جميلة

حور الجنة يقول...

بارك الله فيكي ياقمر
وبجد اجابتك جميله
رزقكي الله كل خير وكل ماتتمنيه
بصي ياقمر الجهاز بتاعنا كان بعافيه الفتره اللي فاتت
وانا بشكرك على تمرريك التاج
والحمدلله ان مدونتي على بالك
وهحاول اجاوب بس القي وقت
لحسن اختك مزنوووووقه
دعواتك
بس باذن الله مش هرفضلك طلب

بس دعواتك

Qatarat Nada يقول...

الله يبارك فيكي يا حبيبتي
ربنا يخليكي
يااارب امين
طيب حمدا لله على سلامته
العفو يا قمر
على ايه ؟؟
وبعدين تعالى هنا مين قالك انى ناسية مدونتك على طول هي في بالي والله
ماشي يا قمر براحتك
ومسامحينك على الزنقة دى لاسباب معينه :)
ربنا يوفقك يا قمر
مستنينك يا حبيبتي

إخوانى حتى النخاع يقول...

السلام عليكم ..


إجابات بجد جميلة جداا أختى الكريمة

ربنا إن شاء الله يوفقك للى يحبه


وألف مبروك على نهاية الإمتحانات ..


أخووكى


****************************
بعد سنة كاملة غياب رجعنا ليكوا تانى
ikhwangeeee.blogspot.com

Qatarat Nada يقول...

وعليكم السلام ورحمة الله وبركاته
يا اهلا يا اهلا
حمدا لله ع السلامة
مرورك اسعدنى والله
ربنا يخليك
الله يبارك فيك
حمدا لله على السلامة
اخيرا حعرف ادخل المدونة بتاعتكم يا فندم
نورت

أحمد بسام يقول...

المدونة الكريمة : ندي
لقد قرأت ما يزيد عن عشر اجابات لهذا التاج و لكن اجاباتك لها رونق مميز
جزيت خيرا .

إخوانى حتى النخاع يقول...

مستنين الجديد إن شاء الله ..,,

ويا ريت بقا مسمسحيش مدونة wall in my heart


عاوزين نشوف مواقفك


لأنى بحب جدااا أشوف أحوال الناس والمواقف الى بتحصل معاهم


ومستنين الجديد

إخوانى حتى النخاع يقول...

صحيح ..

كل سنة وحضرتك طيبة علشان عيد الميلاد :)

معلش انا لسا شايف البوست بتاعه


****

وفيها إيه لما يكون عيد الميلاد تانى يوم العملى ؟؟

أنا عيد ميلادى يوم 21 - 5
والسنادى كان يوم ميلادى يوم إمتحان االفزياوالناس كلها عارفة يعنى إيه مادة الفزيا ... يعنى ولا عرفت اتهنى ولا عرفت اعمل حاجة ..


على العموم .. كل سنة وانتى طيبة

إيمان بنت الحرية يقول...

افتحى ايميلك بقى
عايزااااااااكى ضرورى

Qatarat Nada يقول...

احمد بسام ..
جزاك الله كل خير على مرورك العطر
نورت المدونة


اخوانى حتى النخاع ..
بالنسبة للمدونة فمش عارفة والله اعمل فيها ايه اصل لو جانى فيها تعليقات وردود حنسى ( قطرات ندى ) وانا بحب المدونة دى وممكن كدة انشغل بالتانية بس ربنا يسهل
وبالنسبة للتعليق التانى
وحضرتك طيب
دة كان عيد ميلاد غم يا اخى
دة كان فظيع
والله عيطت فيه بالدموع
حقولك انا فيها ايه لما يكون العملي تانى يوم
انا ماما كدة بتحب تفرحنا دايما كدة وتعمل لنا تورتة صغنتوتة على قدي انا واختى وبابا وهى معانا طبعا
كانت طول عمرها بتعملها لايمان اختى في يوم مولدها لكن انا عمرها ما حصلت لان تانى يوم بيبقى عندى امتحانات
اليوم دة بقى ماما عملت التورتة ليا
ولاول مرة
وللعلم ان بابا عيد ميلاده معايا في نفس اليوم
لسة بس بجري اجيب الشمع لقيت بابا قطع التورتة ووزعها على الاطباق واكل وقام
تخيل انا فضلت اعيط والله وقولهم ليه بتعملوا فيا كدة حرام بجد
شوفت بقى كرهت اليوم دة ليه
وربنا يعينك ع الفيزيا والكلام دة لسة بدري علينا
مرة تانية وحضرتك بالف خير

Qatarat Nada يقول...

بنت الحرية ..
انا فاتحة اهه النهاردة لان النت كان مفصول وممكن يتفصل تانى ادخلى باقصى سرعة لو تعرفي

إخوانى حتى النخاع يقول...

لالالا ... متخافيش مش هنرد عليها :))


والله بتكون حلوة حكاية المذكرات دى

زى واحد زميلى أووووى .. هوا الوحيد فى زمايلى الى اعرف إنه عنده كراسه صغيرة بيكتب فيها المواقف الحلوة الى بيصادفها والوحشة وأحاسيسه والكلام دا كله ...

بس مش بيخلى أى مخلوق يشوفها :)


وعلى حكاية عيد الميلاد ... انا محتفلتش بيه خاااالص من أول لما دخلت المدرسة فى الإبتدائى غير كام عيد يتعدوا على الأصابع علشان الوقت دا بيكون وقت إمتحانات دايما

بس العيد دا .. امى جابتلى عشر حتت جاتوووه مرة واحدة :)))))))


على ما أتذكر يعنى .. وانا صغير كان فى يوم واحد وشرين خمسة الساعة عشرة وتلت بالليل كان ميلادى

فكانوا يخلونى أوأوأ وإخواتى وأمى وأبى يدخلوا عليا بالهدايا
:) . كانت أيام حلوة

Qatarat Nada يقول...

لا طبعا ردوا عليها
ع العموم هى خلاص اتفتحت
بس لسة ما كتبتش غير موضوعين اتنين بس
زميلك دة عامل زى خطيب اختى
بيحط الكراسة بطريقة معينة لو اتحركت بيعرف ويقلب البيت حريقة
حتى اختى مش عايزها تشوفها
وبالنسبة لعيد الميلاد
وانا برده مش بحتفل بيه خالص
تقريبا مرة واحدة وانا صغيرة بس عملته مع اختى
هو حضرتك مواليد 21 / 5 ؟؟
يعني معايا في نفس الشهر
طيب مش تقولوا
كل سنة وانت طيب
وبالنسبة للهدايا
مافيش غير بنت خالتى بس اللى كانت بتجيب لى
لكن السنة دى اختى جابت لي
اه والله ايام حلوة
وعلى فكرة
المدونة خلاص مش حتتقفل
بس انا بس خايفة انشغل عن قطرات ندى وانتم كمان تنسوها
بس يلا بقى ربنا يستر
شكرا لمرورك

أحمد بسام يقول...

شهر 5 ده شهر العظماء عارفين ليه عشان أنتم الاثنين من مواليده هذا بالاضافة الي العبدلله مع اني يوم 2 مش 21 لكن بجد الابتيخ بتاعي مواليد 21 زي حضرتك علي العموم دعواتكم بيكوز الامتحانات نكست ستردي

Qatarat Nada يقول...

هههههههههههه
لا فعلا شهر العظماء
لاننا كلنا مواليده
واحنا مش اي حاجة في البلد دى
دة احنا مدونين
يعني مية مية
بس انا 11 /5
والاخ اخوانى حتى النخاع هو اللى
21/5
ع العموم كل شهر 5 واحنا طيبين

إخوانى حتى النخاع يقول...

أه والله ..


شهر العظماااء

فيه واحد زميلى مواليد 20 - 5

أول لما بقابله .. المفروض تقولى يا أونكيل .. دا انا أكبر منك بيووووووم :))


**********

فين جديدك ؟؟؟!!!

انا دلقوتى ححط بوست ويكون التالت ليا

وانتى لسا محطتيش غير واحد بس يتيم

ومتخافيش .. أكيد مش هننسيوا مدونة قطرات

Qatarat Nada يقول...

والله يا اخوانى مافياش اى دماغ تفكر خااالص
من كام يوم او امبارح اه امبارح
كنت بفكر اعمل خواطر القلب الحزين الجزء التانى
بس برده دمااغى فاضية خااالص
ربنا يسهل بقى قريب
بس مش عارفة والله انا عندى وقت فرااااغ كبير جدا بس برده مش فايقة اكتب حاجة
سبحان الله
لما اكون مشغولة بكتب حاجات كتير زي انا زهرة البوست دة كتبته وانا بمتحن
يا سبحان الله
دلوقتي فاضية ومش عارفة اعمل ايه !!
منتظرة البوست التالت ..

إخوانى حتى النخاع يقول...

أوووووك


انا والله برده فاضى جدااااااا


ادعيلى الى انا ألاقى شغلانة

قاعد اهو والله أدور على شغل .. يا رب ألاقى شغل فى أقرب وقت

Qatarat Nada يقول...

ربنا يعينك ويحقق لك كل اللى بتحلم بيه في اقرب وقت ان شاء الله
قولوا اميييييين

إخوانى حتى النخاع يقول...

أستايل المدونة جميييييييل جدااااااا


بس فيه ملاحظتين

1_ الوردة الى فى الخلفية مش بتوضح الكلام
2_ حاسس إن الإستايل دا تقيل .. الإستايل الى كان قبيله كان بيفتتح معايا هوا ومش بيعلق

إنما دا ممكن يبطئ حبة



دى وجه نظرى :)

إخوانى حتى النخاع يقول...

وانا فى وقت الفراغ عملت تصميم البانر دا للمدونة

يا رب يعجب حضرتك


http://www6.0zz0.com/2009/06/10/12/679698492.jpg

Qatarat Nada يقول...

بالنسبة للاستايل
فالوردة مش مضايقانى خالص الكلام ظاهر عندى لانى كمان كبرت الخط وغيرت الالوان اللى كانت مش باينة فيه
مش عارفة ازاى مش مبين الكلام عند حضرتك
وبالنسبة للصورة جميلة ورقيقة جدا
بس في ملحوظة
انا مدونتى اسمها قطرات ندى
مش قطرات الندى
لان قطرات الندى دى اسم مدونة تانية غير مدونتى
انا مدونتى اسمها قطرات ندى
بس ع العموم جزاكم الله كل خير
جميلة جدا تسلم الايادى

إخوانى حتى النخاع يقول...

إحم إحم ( وش مكسوف )


معللش .. هتلاقيها غلطة مطبيعية

بكرة ولا حاجة هجبهالك من غير ال " ال "

علشان نسيت اعمل حفظ للملف بصيغة psd


معللللللش ..

Qatarat Nada يقول...

مافيش مشكلة خالص
والله مافي اي مشكلة
جزاك الله كل خير