بسم الله الرحمن الرحيم
السلام عليكم ورحمة الله وبركاته
وبعد غياب طال اكثر من شهر على ما اعتقد
اولا وحشتونى جدا
ثانيا لو اقولكم قد ايه الشهر دة بيمر عليا بطريقة صعبة جدا نفسيا
ولو اقولكم قد ايه انى تعبانة جدا
بس الحمد لله على كل حال
المهم دخل الباد دريم
الحلم الكئيب
الا وهو ..
مستر امتحانات
طبعا بنرحب بيه من ورا قلوبنا
ونفسنا نخرجه بره بمطرود ( مش من غير مطرود )
وغير كمان ان عيد ميلادى يوم الاثنين 11/5 للاسف
وتانى يوم على طول اللى هو
12/5 حبدأ العملي حسبي الله ونعم الوكيل
بس نعمل ايه كابوس وبييجي مرتين في السنة
وان شاء الله كلنا حنخلص منه على خير
اهم حاجة الدعاء في ظاهر الغيب يا جماعة
ياريت كلنا ندعى لبعض جامد
كان الله في عونكم وعونا جميعا
وبجد اشتقت للتدوين
ليكم وحشة والله يا معلمين
ههههههههههههههههههههههه
يلا علشان ما اطولش عليكم وابقى غتتة
كل سنة وانتم بألف خير
5 جزاهم الله خيرا علقوا:
ايه يا ندى الكلام الجامد ده
بجد اسلوبك فى الكتابه تحفه
ربنا يخليكي يا حبيبتي
دة بعض مما عندكم
شرفتيني بمرورك يا قمر
حمدالله بالسلامه ياندي
وبجد اشتقنا ليكي كتير وقلقنا عليكي فترة غيابك
ربنا معاكي ف امتحاناتك
بس كبوس دي بتاعتي انا هههه
ربنا معانأ يارب
وكل سنة وانتي طيبه مقدما
حبيبتى الجميلة الدلوعة /ندى
وحشتينى كتير .انا عارفة ومتاكدة انك ادها ونص .وان شاء الله قريب هنبارك ونهنى ونشوف اعلى الدرجات .وكل سنة وانتى بالف خير وعقبال 100 سنة
يلا شدى حيلك كدة ...سلام ياقمر
هعزف لنفسي ..
الله يسلمك
ربنا يخليك
بس مافيش داعى للقلق
ربنا ان شاء الله معايا ومعاكم كلكم في فترة الكوابيس
وبالنسبة لكلمة الكابوس
فهي كلمة مقتبسة منك اكيد
واهه بنتعلم على ايدين مستر كبير
ههههههههههههههههههههههههههههههه
وانت طيب
وعقبالك
وعلى فكرة سعيدة جدا باول رد ليك في مدونتى
نورتنى
مسك القراّن ..
بجد الكلام دة كتير عليا
وبعدين مش تقولى انك عندك مدونة
بس اعتقد انك لسة عملاها جديدةلانها فاضية
ان شاء الله نشوف اعلى الدرجات بس يارب ما تطيرش من كتر علوها
وانتى طيبة يا حبيبتي
سلام يا جميلة
إرسال تعليق